خاران: سیکیورٹی فورسز کی بڑی کارروائی، فتنہ الہندوستان کے 4 دہشت گرد ہلاک
بلوچستان کے ضلع خاران سے موصول ہونے والی ابتدائی اطلاعات کے مطابق، سیکیورٹی فورسز نے کچھ ہی دیر پہلے انٹیلیجنس معلومات پر مبنی ایک انتہائی کامیاب اور تیز رفتار آپریشن انجام دیا ہے۔ اس کارروائی کے دوران غیر ملکی ایجنڈے پر کام کرنے والے اور بھارتی سرپرستی میں سرگرم دہشت گرد گروپ 'فتنہ الہندوستان' (کالعدم بی ایل اے) کے 4 دہشت گرد ہلاک کر دیے گئے ہیں۔
ذرائع کے مطابق سیکیورٹی فورسز نے علاقے میں دہشت گردوں کی موجودگی کی خفیہ اطلاع پر کارروائی کا آغاز کیا، جس کے دوران فورسز اور دہشت گردوں کے درمیان شدید فائرنگ کا تبادلہ ہوا۔ فورسز کی پُراثر جوابی کارروائی میں 4 دہشت گرد موقع پر ہی مارے گئے، جس سے خطے میں دہشت گردی کا ایک بڑا منصوبہ ناکام بنا دیا گیا ہے۔ جائے وقوعہ سے بھاری مقدار میں جدید اسلحہ، بارودی مواد اور مواصلاتی آلات بھی برآمد کر لیے گئے ہیں جبکہ سیکیورٹی فورسز کی جانب سے علاقے کو گھیرے میں لے کر سرچ آپریشن اب بھی جاری ہے۔
Social Plugin